Falamos do Castro

PROGRAMACIÓN PARA ABRIL

Mapa de bits en programación de abril

Advertisements


Crónica de Sofía

cronica_sofia

Hoxe chegou un regaliño, a crónica dunha rapaza que se chama Sofía, conta a súa aventura no Museo do Castro de Viladonga coa Orquestra de Frautas de Galcia. Non contamos nada máis, mellor convidámosvos a ler esta preciosa historia e damos as grazas a Pablo Coria por tela enviada para este blog. Que disfrutedes dela.

Descargar:Sofía_crónica

_DSC0364


DESDE XAPÓN

DSCN4226

O noso visitante MAEHARA Masato procecente de Miyazaki en Xapón

Hai visitantes que veñen desde moi lonxe, é o caso deste viaxeiro xaponés MAEHARA Masato que se achegou desde Lugo en taxi para poder visitar o museo e o castro. Traía con el un libro sobre castros en xaponés , ademais pertence a unha asociación de cooperación entre Japón e Escocia e tal vez por iso interesalle a cultura desta área Atlántica.  Resulta curioso que os visitantes xaponeses veñen en taxi, ben en grupos de catro ou seis persoas ou individualmente como fixo Maehara. Tal vez algún día poda visitarse o castro en transporte público e haxa un autobús que faga visitas periódicas, sería unha moi boa cousa.


MELODÍAS NO MUSEO

_DSC0315

A Orquestra de frautas de Galicia diante do museo

O concerto que ofreceu a ORQUESTRA DE FRAUTAS DE GALICIA no museo foi un gran éxito, por iso queremos desde aquí lembravos que podedes  ver o vídeo a través do seu blog.  Agradecemos desde aquí ese mágnifico concerto que encheu de melodías de grandes músicos  coma Beethoven, Mozart, Hyden entre outros as salas do museo.

Esperemos repetir esta experiencia  moi pronto.


Xente nova nova no museo

 

_DSC0311

Cristina Castro Romero a primeira pola dereita co persoal do museo

Acabamos de despedir a nosa última alumna en prácticas Cristina Castro Romero, estudante da facultade de Xeografía e Historia da USC, que estivo un mes compartindo con nos as tarefas do museo.

Aínda que un mes pasa asiña os alumnos poden aproveitalo para participar no funcionamento interno do museo e comprobar in situ da gran variedade de tarefas internas que nas visitas habituais non se ven ademais do seguimento que se fai no castro. Sen dúbida é unha oportunidade tanto para eles coma para nós este intercambio posto que os estudantes sempre teñen moitas inquedanzas  e moitas preguntas e achegan unha ollada refrescante y necesaria.

Moita sorte para Cristina y  esperamos outras estudantes para seguir compartindo.

Aproveitamos par lembrar un ano máis este dia de todas as mulleres traballadoras que loitaron, loitan e loitaran por unhas condións xustas.