EXPO DE VERÁN: RÉPLICAS CERÁMICAS

Réplicas de cerámicas castrexas

Exposición sobre Réplicas arqueolóxicas cerámicas da Fundación Terra Termarum

Acabamos de inaugurar unha exposición temporal para este verán sobre RÉPLICAS ARQUEOLÓXICAS CERÁMICAS que forma parte do Obradoiro experimental de cerámica castrexa da Fundación Terra Termarum de Cuntis. Neste proxecto de investigación fixéronse réplicas de pezas de toda Galicia, pero para esta mostra no Museo de Viladonga seleccionáronse únicamente as 11 pezas deste castro.

Trátase de pezas cerámicas rigurosamente documentadas a nivel arqueolóxico, mantendo as referencias históricas en canto a formas, decoracións, texturas e acabados, permitíndo achegarmonos  unha visión máis real das pezas orixinais.

Polo tanto, é unha exposición moi didáctica, porque as réplicas facilitan unha comprensión máis sinxela e directa dos cacharros, que sempre aparecen moi fracturados e incompletos nas escavacións. Cómpre sinalar a gran variedade destes obxectos en canto a súa funcionalidade, formas, tamaños e riqueza das decoracións.

Réplicas de pezas do Castro de Viladonga

Aproveitamos para lembrar que no vindeiro mes de setembro, como actividades complementarias desta exposición, haberá dous obradoiros: un de elaboración de pezas e outro para a cocción desas pezas nun forno feito na contorna do castro polo persoal de Terra Termarum.

O PUÑALIÑO DE ANTENAS DE VILADONGA NA MOSTRA “GALICIA 100”

Aínda que esta mostra “Galicia 100. Obxectos para contar unha cultura” xa leva un tempo inaugurada non queremos deixar de anunciala e lembrar que unha das pezas é do castro de Viladonga. Trátase do puñal de antenas , unha fermosa peza realizada en aliaxe de bronce, coa de técnica de fundición  da cera perdida e que presenta un excelente estado de conservación. Aproveitamos para facer un enlace ao blog do comisario desta mostra Manuel Gago director de culturagalega.org portal de divulgación cultural do Consello da Cultura Galega.

Puñal de Antenas do Castro de Viladonga-Longo = 15,4 cm; Ancho = 5,1 cm; Peso = 69,3 gr

Escultura dun guerreiro galaico co puñal na man e ao lado unha interpretación da policromia

A descripción de Estrabón dos guerreiros galaicos fai referencia a un puñal que podería ser das características deste pequeno puñal de antenas.

ESTRABON ( Geografía 3, 3 7 y 3, 4, 11)

” Son hábiles en emboscadas y exploraciones siendo ágiles y capaces de salir de peligros. Dicen que usan una pequeña rodela que tiene un diámetro de dos piés ( aproximadamente unos 60 centímetros) y es cóncava por delante y se maneja por correas, no teniendo abrazadera ni asa. Además llevan puñal y espada corta. La mayor parte llevan coraza de lino, sólo unos pocos llevan corazas de malla y casco de tres penachos, los más usan cascos de nervios. Los infantes usan también grebas y cada uno lleva varias jabalinas. Algunos tienen lanzas para estoque con puntas de bronce..Los montañeses…en el combate se ciñen la fente con una cinta… y practican ejercicios gmnásticos con armas, a caballo,pugilato, carreras, tiro de dardos y comnate en batallones”

Xila enamora

Xila enamora nos so ao seu pretendente Francisquitus tamén a todos os visitantes. A súa historia é fascinante e os nenos percorren o castro tras dela para saber qué pasará… No libro de visitas do museo fixeron varias felicitacións para ela, porque todos queremos historias con finais felices.

Felicitacións para Xila

Xila e Francisquitus rodeada dos nenos

 

SÁBADO NUMISMÁTICA NO MUSEO

ANVAR é a  Asociación Numismática Val de Ariz , ten como obxectivo difundir e promover a numismática galega. Este sábado 28 realiza unha actividade no Museo do Castro de Viladonga.

 

image description

A pesar da choiva: festa no museo

CELEBRACIÓN DA NOITE DOS MUSEOS

A pesar da choiva do pasado sábado celebramos, un ano máis, a noite dos museos. Un día grande para o museo con actividades ao longo de toda a tarde.  Música, xogos populares, artesanía e petiscos para todos. Pasámolo en grande!!!

O grupo musical Os Valuros de Castro de Rei

Xogos populares da Asociación do Cadaval de Pacios

 

PROGRAMA PARA MAIO

Ahi ven o maio de flores cunberto !!!

OVER BOOKING NO MUSEO

Autubuses ateigan o aparcadoiro do museo

A pasada semana tivemos over booking de visitas. Escolares dos colexios de Sarria, As Pontes, Lugo, e mesmo estudantes polacos de intercambio de Oleiros, e tamén un grupo dos circuitos culturais de xubilados. Nótase que a primavera convida a visitar o castro e o museo.

Cómpre sinalar que a actividade Barro ao Vivo atrae a moitos grupos de escolares que se achegan ao museo a desfrutar desta actividade.

Escolares do colexio Paradai de Lugo

O grupo do circuito cultural

Escolares polacos de intercambio no obradoiro de barro

 

 

 

 

Obradoiro da moeda co colexio Casás de Lugo

Alumnos do CEIP Casás de Lugo.

O pasado venres 15 de abril os nenos de cuarto de primaria do CEIP Casás de Lugo,  desfrutaron durante a visita ao museo dunha divertida actividade: o Obradoiro de Moeda.

Os nenos realizaron mediante a técnica de acuñación unha moeda con pasta para moldear, que logo pintaron e sobre a cal cubriron unha ficha de catalogación, como se fosen auténticos arqueólogos!

Nena rematando de cubrir a ficha de catalogación.

Con esta actividade, os nenos pásano en grande, ao mesmo tempo aprenden cousas básicas sobre a técnica de acuñación e sobre as carácterísticas das moedas atopadas no castro de Viladonga. Tamén poden ollar nas vitrinas do museo estas pezas e outras. A actividade é tan divertida e creativa que ate os propios mestres se apuntaron á experiencia de acuñar. Ademáis, unha vez finalizado todo o proceso de creación e catalogación, os participantes poden levar como souvenir a moeda que eles mesmos acuñan, levando consigo parte desta maravillosa experiencia.

Detalle da fase de colorear as moedas