Falamos do Castro


Obradoiro da moeda co colexio Casás de Lugo

DSCN4500

Alumnos do CEIP Casás de Lugo.

O pasado venres 15 de abril os nenos de cuarto de primaria do CEIP Casás de Lugo,  desfrutaron durante a visita ao museo dunha divertida actividade: o Obradoiro de Moeda.

Os nenos realizaron mediante a técnica de acuñación unha moeda con pasta para moldear, que logo pintaron e sobre a cal cubriron unha ficha de catalogación, como se fosen auténticos arqueólogos!

DSCN4502

Nena rematando de cubrir a ficha de catalogación.

Con esta actividade, os nenos pásano en grande, ao mesmo tempo aprenden cousas básicas sobre a técnica de acuñación e sobre as carácterísticas das moedas atopadas no castro de Viladonga. Tamén poden ollar nas vitrinas do museo estas pezas e outras. A actividade é tan divertida e creativa que ate os propios mestres se apuntaron á experiencia de acuñar. Ademáis, unha vez finalizado todo o proceso de creación e catalogación, os participantes poden levar como souvenir a moeda que eles mesmos acuñan, levando consigo parte desta maravillosa experiencia.

DSCN4495

Detalle da fase de colorear as moedas

Advertisements


CARA DE NEVE

FOLERPAS SOBRE O CASTRO

DSCN4058

Este ano chegou o inverno con retraso  e, como din os paisanos, o ceo ten cara de neve. Ainda que antonte non chegou a callar si caeron folerpas sobre o castro. A neve é a auga conxelada que cae das nubes en forma de folerpas.

As folerpas son cada unha das porcións de auga conxelada que caen cando neva, fermosa palabra que ten moitos sinónimos:

-cerello, faísca, falopa, fargallo, farrapa, farrapo, felepa, foleca, folepa, foupa, galapo, melga.

Aproveitamos para recordar que a auga en todas as súas formas ou manifestacións: choiva, neve, xeada, brétema…é unha causante de deterioro e alteración das estruturas ao aire libre. Como cada inverno a auga traballa para destruir o poboado deshabitado e nós non deixamos de traballar para que isto  non suceda. Aída así compartimos a beleza das folerpas caendo sobre a entrada do castro.

DSCN4056

 


PARA PODER TOCAR!!!

Neste último proxecto de intervención no castro de Viladonga a empresa adxudicataria BIC materiais e conservación S.L. incluiu nas melloras do proxecto unha proposta para facilitar a accesibilidade tanto no castro ca mellora de rampas no percorrido, e no museo ca reprodución de obxectos arqueolóxicos. Trátase dunha mesa táctil ca reprodución de pezas  de diferentes materiais e usos como vedes na foto e que poden tocarse e deste xeito sentir as diferentes formas, texturas, decoracións etc.

_DSC0066

Vista xeral da nova mesa táctil cas reproducións das pezas

A fundación ONCE colaborou para poder mellorar neste aspecto e favorecer a accesibilidade e comprensión do patrimonio arqueolóxico.

Tocar

Unha usuaria toca a cerámica de terra sigilatta decorada

Seguiremos traballando para que o castro e o museo sexan o máis accesibles posibles.

DSCN3937

Os escolares achegánse á nova mesa táctil


Xeadas de decembro

Comeza este mes de decembro co castro xeado e, continuan as tarefas da limpeza e control de vexetación no perímetro do parapeto da muralla e no antecastro oeste

DSCN3624

A croa do castro xeada

DSCN3609

Desde a muralla fotografando as tarefas da limpeza de vexetación

DSCN3638

Retirada da vexetación da limpeza da muralla e do antecastro oeste


OPERACIÓN MURALLA LIMPA

DSCN3595

A muralla desde o antecastro oeste ca madeira das árbores taladas. Recuperouse a visibilidade da dimensión da muralla.

Este outono continuamos cas tarefas de conservación preventiva do castro. Como xa falamos noutras ocasións estos traballos son imprescindibles para manter un bo estado das zonas arqueolóxicas á intemperie. A conservación preventiva abrangue actividades de mantemento periódicas e outros traballos auxiliares coma son:

  • Limpeza
  • Control de vexetación
  • Control de fauna
  • Mantemento de elementos de información e protección
  • Información aos visitantes
  • Vixilancia periódica

Os traballos comezaron aproveitando este verán de san Miguel , co bo tempo procedeuse ao  que chamamos operación muralla limpa  que consistiu na  limpeza e control da vexetación  da muralla e antecastro oeste. Neste caso despois dunha valoración previa decidiuse a poda e tala selectiva de árbores que medraron no perímetro do parapeto da muralla e no antecastro oeste. Estas árbores que medraban sen control impedían unha boa visualización da configuración do poboado, asemade ocultaban e alteraban a dimensión da muralla e ,polo tanto, non se apreciaba correctamente o sistema defensivo do xacemento.

DSCN3550

Antecastro oeste desde a muralla

Trátase dun control de vexetación de maior magnitude que a limpeza periódica de herbas e arbustos e, como xa falamos noutras ocasións, as raíces destas arbores son prexudiciais para a conservación dos restos soterrados do castro. Tamén debemos ter presente outra cousa importante que  ao seren árbores de folla caduca , cada outono as follas acumúlanse sobre parte dos restos arqueolóxicos, crean un substrato moi fértil no que xerminan outras plantas e mesmo árbores e fomentan un soterramento das estruturas impedindo a súa visibilidade.

DSCN3592

O camiño do antecastro. As follas das arbores tapizan o chan e as estruturas.

Os resultados destes traballos de tala e poda son espectaculares, a dimensión da muralla e todo o  complexo defensivo visualizase e comprendese moitísimo mellor. Por outra banda, esta actividade de conservación preventiva pretende ser unha motivación para que as fincas circundantes ao BIC sexan limpas de herbas e maleza polo seus donos, e  nun futuro próximo,  a tala de eucaliptos das fincas veciñas e o coidado destas fincas  que forman parte deste poboado fortificado sexa unha realidade.  Esperemos ver pronto o castro e a súa contorna limpos de maleza e sen eucaliptos, este BIC ben o merece.

DSCN3554

Tarfeas de tala e limpeza.

A conservación do patrimonio arqueolóxico é cousa de todos.

 


ROTEIROS POLO PATRIMONIO ARQUEOLÓXICO CON ADEGA

 

Roteiro aos castros do Courel

O vindeiro domingo, 25 de outubro, ADEGA-Lugo dá comezo ao ciclo de roteiros “Memoria Pétrea” deste curso 2015-2016, cunha visita a tres dos castros do Courel. Este programa de roteiros está dedicado a coñecer algúns dos bens culturais e patrimoniais máis antigos de Galiza, cuxo común denominador serán os castros.http://adega.gal/web/axenda.php?id=275&idioma=gl&sec=11

PRÓXIMOS ROTEIROS DE ADEGA LUGO

29 Novembro: Castro de Viladonga- Castro de Rei

13 Decembro: Castro de Corvazal- Bóveda

24 Xaneiro: Castro de Remonde- Palas de Rei

21 Febreiro: Castro de Goo – O Incio

13 Marzo: Castro de Cervantes

17 Abril: Castro de Fazouro- Foz

22 Maio: Castro de Espasante- Ortigueira

26 Xuño: Castro de Baroña- Porto do Son

DSC_0014

Subida ao Castro do Vilar